بوست كتبته من فتره في مدونتي الآخري ولكن بما إني حذفت كل البوستات اللي كانت في مدونتي التانيه علشان بصراحه كده حصل موضوع غيره من غاده عبد العال صاحبه مدونه عايزه أتجوز لما دار الشروق نشرت ليها كتاب عباره عن البوستات اللي كتبتها في المدونه بتاعتها وبما إني عندي موهبه الكتابه لكني كنت بهرج علي النت قررت إني أكتب بجد في المدونه

البوست ده كان بتاريخ3 ديسمبر 2007وقررت نقله هنا
إستفزني مقال قريته من يومين بس مع إن المقال ده بقاله أكتر من 20 يوم كاملين لكن بما إني أساسآ مش من هواه قراءة الجرائد الرسمية ( ......... ) مش بقرأ الجرائد دى نهائي إلا بالصدفه البحتة
المهم
المقال ده بئى عباره عن إيه وإيه أساسآ اللي إستفزني فيه
المقال ده عباره عن صفحة كامله في جريده الجمهوريه في الصفحة الخامسه في العدد الإسبوعي ليوم الخميس 8 نوفمبر 2007 م ومين اللي كاتبه
اللي كاتبه هو رئيس التحرير بنفسه
سبحان الله صفحه كامله يا جماعه رئيس التحرير بيمدح فيها رباعي الحزب الوطني جمال مبارك رئيس المجلس الأعلي للسياسات ود . يوسف بطرس غالي وزير المالية ورشيد محمد رشيد وزير الصناعة والتجارة ود. هدي رشاد أمينة المرأه بالمجلس الأعلي للسياسات
ممكن طبعآ والمفروض إننا نكون في جانب رجالتنا ضد أى حد تاني وده المفروض مهما كان رأينا في الكومه أو في القيادات بتاعه بلدنا لكن الكلام ده بيكون بينا وبين بعض يعني مننا وفينا
لكن في مؤتمر زى المؤتمر ده وطبعآ أمام كم رهيب من الصحفيين اللي جايين من جميع أنحاء العالم لازم نشجع رجالتنا مش كده برضه ولا إيه يا جماعه ؟
ماهو إحنا برضه لازم نرفض أي تدخل أجنبي في سياسه بلدنا حتي ولو كانت السياسه دى مش عاجبانا
لكن اللي قريته بصراحه كان شىء يصدم ويفقع
ايه ياعم محمد علي إبراهيم اللي إنتا كاتبه ده بئى ؟؟
دا أنا حسيت إنك ما كنتش بتكتب عن المؤتمر حسيت إنك زى ما بتكون بتشجع فريق الكوره اللي بتحبه وبتعصب رهيب ما شفتش زيه وتكتب عنه
من غير زعل
كان واضح إن فيه إنحياااااااااااااز رهيب في المقال ده
المقال ده ضايقني جدآ جدآ ومع إني ماليش في السياسه إلا إني كان لازم أفضفض عن اللي جوايا
وده بئى يا جماعه رابط المقال اللي بتكلم عليه شوفوه وإحكموا عليه بنفسكم وياريت حد يقوللي إن اللي حسيته من المقال ده كان غلط
http://212.103.160.28/algomhuria/2007/11/08/editor/detail00.shtml
و
إلي لقاء آخر إن شاء الله