طبعآ كتبت في بدايه ما كتبت هنا في المدونه كام توبك كده وحطيت فيهم كام لينك لكام مدونه عجبوني أوى بجد ولسه هحط لينكات لمدونات تانيه كتير لأني بصراحه تمتعت بقراءه المدونات دى وإن شاء الله ناوي أتابعها كلها وأتمني بجد كلكم تتابعوها
المهم
نيجي بئى لموضوع التوبك ده
الموضوع بسيط جدآ وهو عبراه عن تعليقات لكام مقال قريتهم فى بعض المدونات
يعني مثلآ قريت في مدونه خطوه عزيزه مقال جامد جدآ عن نجيب ساويرس بعنوان لا يا شيخ وكان ليا تعليق صغير اوي عن المقال الجامد ده ( وطبعآ جامد في أسلوبه وطريقه سرد المقال ) والكلام ده طبعآ أقصد بيه بساطه وسلاسه الكاتب في سرد الفكره أو المضمون اللي جواه
المهم
طبعآ المقال بيتكلم عن إعتراض أخينا نجيب ساويرس نجم النجوم وملك سوق الهاتف الخلوى حاليآ عن إنتشار الحجاب في مصر وإزاى وصف المدون المبدع صاحب المدونه إعتراضه علي كلام النجم ساويرس بطريقه لذيذه جدآ
وإسمحولي يا جماعه أعلق بدوري علي النجم ساويرس
يا سيدي الفاضل ممكن أعرف حضرتك معترض علي إيه بالظبط ؟؟
معترض إن كل إنسان حر في ديانته ومعتقداته ولبسه وحياته اللي حضرتك مالكش دخل فيها أساسآ ؟ ولا معترض إن المسلمين بيعملوا اللي ربنا أمرهم بيه ؟ ولا معترض إن بنات الملسمين بيحاولوا يحترموا نفسهم ويحموا نفسهم ؟ ولا عايز مصر تبئى دوله أجنبيه متحرره والبنات يخرجوا من غير هدوم والقنوات الفضائيه تذيع أفلام خارجه زى ما حصل فى القناه بتاعه حضرتك اللي حضرتك أذعت فيها فيلم أجنبي كامل وكان فيه مشاهد جنسيه كامله من غير أى رقابه ( وده طبعآ زى ماقريت وسمعت ) وبحمد ربنا سبحانه وتعالي إني ما شفتش لا القناه بتاعتك ولا حتي أعرف إسمها وبحمد ربنا كمان إني مش من هواه مشاهده التلفزيون بصوره كبيره يعني ممكن أتفرج علي فيلم بالعافيه وكده يعني
المهم
نرجع لكلامنا تاني حضرتك عايز إيه بالظبط ؟ مش كفايه عليك فلوس المصريين اللي طبعآ قدرت بتعبك ومجهودك وشطارتك إنك تكسبها وتاخدها من جيوب الناس الغلابه لما بعبقريه شديده قدرت إنك تعمل طفره في مصر وتنزل حاجه إسمها التليفون المحمول في مصر وبصراحه كلنا بنشكرك إنتا والشركه التانيه اللى كانت صاحبه الفضل في موضوع المحول معاك طبعآ وكمان بنشكرك علي العروض الجامده الموجوده حاليآ وكمان بنشكرك علي شعار محمول في يد كل رضيع
نرجع تاني لكلامنا
لا مؤاخذه حضرتك مش مسلم يعني ما تعرفش شىء عن الإسلام أو تعرف دا شىء ما يخصنيش وكمان ما يخصكاش بس اللي يخصنا هنا أنا وإنتا وكل الناس إننا إتعودنا دايمآ من يوم ما إتولدنا في مصر الحبيبه إننا كلنا مصريين مافيش فرق بين مسلم ومسيحي وده طبعآ مافيش مخلوق يقدر يعترض عليه حتى إنتا
لا المسلمين بيقولوا ليه بنات المسيحيين ماشيين في الشوارع شعرهم مكشوف وهدومهم مش واصله للركب وياريت الركب وبس لاء دا كمان سوري يعني البادي المفتوح وحاجات تانيه كتير وده طبعآ شىء يخللي أي شاب غلبان يا عيني مش لاقي ياكل وطبعآ من المستحيل إنه يتجوز يبئى عامل زى المجنون لما يشوف الحاجات دي كلها من واحده مش فارقه معاها كام واحد بيتفرج علي جسمها ومع ذلك مافيش حد من المسلمين إعترض علشان كلنا مؤمنين بشىء إسمه ربنا سبحانه وتعالي ومش إحنا لا أنا ولا إنتا ولا أي حد تاني هيحاسب مخلق هو ربنا سبحانه وتعالي بس اللي هيحاسبنا كلنا في الآخره إن شاء الله
بتعترض علي إيه ؟؟ ومين أساسآ اللي من حقه يعترض ؟؟
حضرتك اللي تعترض علي إحترام المسلمات لجسدهم ؟؟
ولا المسلمين اللي المفروض يعترضوا علي كشف المسيحيات لأجسادهم ؟؟
ياريت توضحلي حضرتك علشان بجد الحكايه دي بقت تخنق
وأل إيه كمان هترد علي الموضوع ده بقناتين فضائيتين
سبحان الله
ليك حق و الله تضايق بس نقول إيه دايما لما حد يعمل حاجة غلط تلاقى مليون واحد يدافعوا عنه و يقول لك دى حرية. لكن لو واحد عمل حاجة ترضى ربنا تلاقى مليون واحد معترضين.
إشمعنا بقى المرة دى ماقولتوش حرية؟
و اللا الحرية هى الاسم الحركى للفساد؟
شكرآ دكتور كافي علي الكومنت
بس هنعمل إيه بئى هو ده قدرنا ونصيبنا ربنا يستر علينا في الأيام الجايه
لسه هنشوووووووف كتير أوي