النهارده وقفه عيد الأضحي المبارك
يعني بكره العيد إن شاء الله
زمان كنت بفرح أوي بالعيد ده مش عيد الأضحي بالظبط كل الأعياد يعني زي عيد الفطر وعيد الأضحي وشم النسيم والحاجات اللي زي دي طبعآ ليه بئى ؟
علشان في كل عيد كان بيجيلي هدوم جديده وباخد عيديه وخروج وفسح ولعب وتنطيط
لكن النهارده
يااااااااااااه
فرق كبير أوي بين زمان وبين النهارده طبعآ
حصل معايا النهارده موقف بصراحه جامد جدآ
صحيت من النوم من غير ما آخد بالي مديت إيدي علي زجاجه المياه اللي موجوده علي الكوميدينو اللي جنب السرير بتاعي وشربت شويه ميه ولما فقت من النوم إكتسفت إن النهارده يوم وقفه عيد الأضحي وإني كنت ناوي الصيام طبعآ زعلت أوي بس هعمل إيه بئى قدر الله وما شاء فعل فطرت النهارده غصب عني
لكن الغريب بئى وأنا ماشى في الشارع كنت بشرب سيجاره يعني هعمل إيه يعني ما أنا خلاص فطرت واللي كان كان
بس اللي خلاني مستغرب اليوم كله إن سبحان الله ناس كتير أوي إنتقدوا إني فاطر ومش صايم وكمان ماشي في الشارع بشرب سيجاره زي ما يكون كل الناس فجأه أصبحوا بيصوموا يوم وقفه عيد الأضحي المبارك
بجد فرحت أوي وطبعآ ده بغض النظر عن الإنتقادات اللي إتوجهت ليا النهارده
بس برضه فرحت إن أصبح فيه شريحه ضخمه جدآ من الناس بتصوم في اليوم ده
والأجمل بئى من ده كله إني قابلت أطفال في سن من عشر سنوات فما فوق صايمين بجد شىء أسعدني أووووووى
ربنا يزيدنا إيمان أكتر وأكتر
كل سنه وإنتوا طيبين وأهل مصر كلهم بخير وصحه ويارب السنه اللي جايه كل الناس تصوم يوم وقفه عيد الأضحي وأنا أكون صايم بإذن الله
وبجد بقولها من كل قلبي
عمار يامصر
كل سنة وانت طيب والمسلمين كلهم بخير
على فكرة انت كان ممكن تصوم وتكمل صيام عادى لانك شربت سهو وكانت نيتك الصيام
بس زى ما قلت قدر الله وما شاء فعل
وانتي طيبه يا جوجو وتدوم أيامك بالخير يارب
وخلاص بئى اليوم عدى مش مشكله إن شاء الله يتعوض الأيام جايه كتير بإذن الله
و
كل سنه وإنتي طيبه مره تانيه