واحد صاحبي شاف المدونه دى وسألني ليه عملتها ؟؟
حاولت بكل الطرق إني أفهمه ليه وهو للأسف مش مصدقني
أقول له يا إبني والله علشان أحكي فيها أو أطلع فيها الكلام اللي جوايا اللي مش لاقي حد يسمعه مني ويريحني
مش مصدقني
ياعم والله علشان مثلآ قابلت موقف وعايز أتكلم عنه أتكلم فيها براحتي من غير ما أغلط في حد ولا حد يكون مجبر إنه يسمعني علشان يرضيني وهو من جواه مخنوق ومش طايق يسمعني لحظه وشايف إني كلامي ده كلام فاضى مالوش لازمه برضه مش مصدقني
:)
طيب أعمل إيه يعني علشان يصدق ؟؟
قلت في عقلي أكتب الرد هنا يمكن يفهم ويصدق
يا جماعه أنا لا ليا في السياسه ولا عمري عرفتها ولا مشيت معاها :) ولا أعرف حد يعرفها نهائى
ولا بهاجم حد
ولا بدافع عن حد
ولا ليا أي مصالح
كل الحكايه إني هنا بفضفض شويه عن اللي جوايا
لا أكتر ولا أقل
وعلشان بحب البلد دي أوى وبطريقه غريبه عليا أنا نفسى وليه مش قادر أفهم
لأني حاولت كتير أخرج منها وأهاجر لكن ما قدرت أبعد عنها وما قدرتش أخرج منها أساسآ زى ما أكون سمكه في ميه لو خرجت منها أموت
علشان كده سميتها عمار يا مصر
يعني ببساطه علشان بحب مصر
عمار يا مصر
Post a Comment