تخيلوا كده معايا رغيف العيش المدعم
اللي المفروض طبعآ إنه بيتباع في الفرن بـشلن يعني خمس قروش فقط
يعني العشرين رغيف بـ جنيه
تخيلوا معايا كده لما تروح تشتري الرغيف ده الثمانيه أرغفه بجنيه
يبئى الرغيف واقف عليك بكام ؟؟
أكتر من عشر قروش طبعآ
صح ولا أنا غلطان في الحساب ؟؟
يعني الفرون بيكسب أضعاف أضعاف المكسب المفروض إنه بيكسبه لأن الدقيق المفروض إنه مدعم وسعره بسيط جدآ يعني علي أد ما سمعت كده إن شكاره الدقيق اللي فيها خمسين كيلوا دقيق واقفه علي المخبز بحوالي تسعه جنيه بس
الشكاره دي بئى المفروض إنها بتعمل طبعآ لو الفرن ده بيبيع العيش بالسعر الطبيعي له يعني بخمس قروش للرغيف المفروض علس حسب ما حسبتها مع نفسى إن الفرن بيكسب في الشكاره تقريبآ كده صافي بعد أجور العمال والذي منه حوالي عشرين جنيه صافي يعني في العشر شكاير اللي نازلين دعم لساده صاحب الفرن حوالي ميتين جنيه يوميآ فاهمين يا جماعه بيكسب كام ؟؟
لاء البشوات أصحاب المخابز مش عاجبهم مبلغ المتين جنيه في اليوم وبيبيعوا العيش بضعف التمن
لاء والمصيبه كمان ياريتك تعرف تشتري بجنيه عيش من الخمبز بسهوله دا الواحد بيقف أكتر من ثلاث ساعات علشان يشتري بجنيه
هو إحنا عايشين فين بالظبط ؟؟؟
مش برضه إحنا في مصر ؟؟
لاء بجد
عمار يا مصر
Post a Comment